TRAJNO  +  BICIKLO

EN  FRANCIO

Julio 2006



Trajno + Biciklo




En Francio estas diversaj eblecoj por transporti sian biciklon per trajno.

1
) Eblas malmunti la biciklon kaj meti ĝin en sakon mezurante 120 x 90 cm maksimume, kaj kunpreni ĝin en la trajnon kiel normalan bagaĝon, kiun oni deponu sur la grandajn bagaĝportilojn je ambaŭ ektremaĵoj de la vagonoj. Sen diri, ke tiu ebleco pli taŭgas al infan-, fald- aŭ kurad- bicikloj, el kiuj facile malmunteblas la radoj, kiujn oni metu ankaŭ en la sakon. Tio ne tre oportunas al vojaĝbicikloj pro la dikaj kotŝirmiloj, sakportiloj kaj lumĵetiloj perdrate ligitaj al dinamo.


2) Sendi sian biciklon kiel normalan bagaĝon per SERNAM (SERvice NAtional des Messageries = Nacia Servo de pakaĵtransportado). Temas pri privata entrepreno ligita al SNCF (Francaj Naciaj Fervojoj). Eblas elekti inter du kategorioj:

a) de pordo al pordo (hejmo aŭ stacidomo sen SERNAM-ejo) : 49 €
- aŭ  de hejmo al hejmo,
- aŭ de stacidomo al stacidomo,
- aŭ miksante hejmon kaj stacidomon.
Tiu servo funkcias nur de lundo ĝis vendredo, escepte de feritagoj. En iuj stacidomoj (kiuj?) ankaŭ eblas deponi/repreni la biciklon sabate, dimanĉe kaj feritage.
Livertempo: la duan tagon post konfido de la biciklo.

b) De SERNAM-ejo al SERNAM-ejo: 33,30 €.
Tiu servo funkcias nur de lundo ĝis vendredo, escepte de feritagoj.
Livertempo: la duan tagon post konfido de la biciklo.
Tiu servo estas aĉetenda samtempe kiel la bileto:
- aŭ en la stacidomoj aŭ en SNCF-vendejoj,
- aŭ telefone (franclingve, eble ankaŭ anglalingve) je 36 35 (0,34 €/mn) minimume 24 horojn antaŭ la foriro kaj pagante per bankokarto,
- aŭ en la SERNAM-ejoj.

Sekve, inter maksimume 2 monatojn kaj minimume 24 horojn antaŭ la konfido, antaŭ 17h00, necesas telefoni al 36 35 (0,34 €/mn) por interkonsenti pri rendevuo.

La dungitoj ŝirmas la biciklon per ne komplete hermeta kartono, kiu protektas nek la stirilfinaĵojn nek partojn de la radoj; kvankam ŝajnas, ke aperis novaj kartonoj pli hermetaj. La biciklo ne devas surhavi iun ajn ne fiksitan aĵon, kiel pumpilon, depreneblajn lumĵetilojn, boteleton, ktp...

Por tuj reakiri sian biciklon ĉe la alveno oni sendu
ĝin plurajn tagojn antaŭe kaj alvenu kiam la oficejo estas malfermita.

Mi jam plurfoje uzis tiun servon, kiam ĝi malpli kostis kaj ankoraŭ funkciis al kelkaj najbaraj landoj. Unu fojon el du, mi rimarkis etajn difektojn sur la biciklo: stirila rubando tranĉita, boteletoportilo parte rompita, ŝraŭbo malaperinta, ktp... Ĉiam estis malgravaj ĝenoj, kiuj ne necesigis, ke mi malŝparu tempon plenigante paperaĉojn por peti monredonon de SNCF.


3) Sen malmunti la biciklon kaj senpage en la biciklo-kupeo aŭ en la ŝarĝparto de la Corail-trajnoj (Koralo: nomo de ordinaraj trajnoj tutlandaj). Tio ne validas por la trajnoj Corail-Téoz kaj Corail-Lunéa (vidu la sekvan punkton). Por indiki tiujn lokojn, biciklo ĝenerale estas desegnita sur la fenestoj de la biciklo-kupeoj sed ne sur la ŝarĝvagonoj. Tiuj trajnoj estas indikitaj en la hortabeloj per la piktogramo . Necesas mem en- kaj el-meti sian biciklon (mi persone preferas memzorgi pri mia propra biciklo) kaj oni estas respondeca pri ĝi dum la tuta vojaĝo.

Ankaŭ eblas senpage enmeti sian biciklon en TER (Trajnoj Ekspresaj Regionaj, aŭ provincaj trajnoj) iam ajn en la provincoj Rodano-Alpoj (Liono), Elzaco (Strasburgo), Aŭvernio (Klermonto-Ferando), Langvedoko-Rusiljono (Montpeliero) kaj Limoĝio (Limoĝo).

En 
Provenco-Alpoj-Lazura Marbordo (Marsejlo), la provincaj trajnoj senpage akceptas biciklojn krom de lundo ĝis vendredo inter 07h00 kaj 09h00 kaj inter 16h30 ka 18h30 (la feriaj tagoj egalas al dimanĉo).

En Francilio (Parizo) ĉiuj provincaj trajnoj senpage akceptas biciklojn, krom de lundo ĝis vendredo de 06h30 ĝis 09h00 AL Parizo, kaj de 16h30 ĝis 19h00 EL Parizo. Tiuj reguloj ankaŭ validas pri la kvin fervojaj linioj (A-B-C-D-E) kiuj subtere trairas Parizon (RER, aŭ Réseau Express Régional = Reto Ekspresa Regiona, aŭ Provinca Metroo). Atentu ke, pri la centra subtera parto (Parizo + stacio La Défense), la malpermesitaj horoj, de lundo ĝis vendredo, matene kaj vespere aplikiĝas, kia ajn la direkto. Koncerne la 16 subterajn fervojajn liniojn (Métro = urba metroo), bicikloj ne estas akceptataj, krom en linio 1 dimanĉe (La feriaj tagoj egalas al dimanĉo). Tion mi ne komprenas, ĉar tiu linio ĉiam plenplenas; plie estas malfacile transpasi la pagbarilojn, krom se iu giĉetisto malfermos la grandan pordon al vi. .

En la aliaj provincoj, eblas enmeti biciklon en la trajnojn indikitaj de tiu
piktogramo en la hortabeloj. Se oni havas tempon kaj mapon de la reto, oni tiel povas trairi la tutan Francion, ĉar multaj stacidomoj ĉe provincaj limoj ricevas trajnojn de du aŭ tri malsamaj provincoj.


4) Sen malmunti la biciklon sed pagende (10 €, sendepende de la distanco) en la biciklo-kupeo aŭ en la ŝarĝparto de la trajnoj Corail Téoz (renovigitaj trajnoj pli komfortaj) kaj multaj Corail Lunéa (noktaj trajnoj). Eĉ kelkaj rapidegaj trajnoj (TGV) page akceptas biciklojn. Necesas rezervi por la biciklo samtempe kiam oni aĉetas la bileton. Pri la noktaj trajnoj, oni nepre kunprenu kontraŭŝtelserurojn por ligi la biciklon en ĝia kupeo (estas fortaj ringoj en la kupeo), krom se vi volas dormi sur la selo aŭ ne timas ŝtelistojn!

Same kiel pri la nepagendaj trajnoj (mi kompreneble, kaj bedaŭrinde, parolas nur pri la biciklo), ĉiuj-ĉi trajnoj estas indikitaj per la piktogramo
en la hortabeloj kaj necesas informiĝi je la biletvendejo, ĉu pagendas por la biciklo.



Resume pri la trajnoj, kiuj akceptas biciklojn muntitajn:

TER: Provinca trajno senpaga,
Corail: Tutlanda trajno senpaga,
Corail Téoz: Tutlanda trajno renovigita kaj pli komforta sed pagenda,
Corail Lunéa: Tutlanda nokta trajno pagenda,
TGV: Tutlanda rapidega trajno pagenda




Jen kelkaj konsiloj por pli trankvile uzi tiun servon.  Kiam estas ŝarĝvagono, necesas enirigi la biciklon tra la pasaĝera pordo, kaj puŝruligi ĝin tra la mallarĝa koridoro ĝis la interna pordo de la ŝarĝvagona parto de la vagono. Se ĝi estas ŝlosita, restas nur por trovi la kontroliston. Povas okazi ke, kiam la trajno sufiĉe longe parkas en stacidomo, eblas peti al la kontrolisto ke li malfermu pordon de la ŝarĝvagono. Sed se oni mem enirigas sian biciklon, sufiĉas poste informi la kontroliston pri sia biciklo en la ŝarĝvagono por ke li ŝlosu la internan pordon, kaj denove ĝin malŝlosu kelkajn minutojn antaŭ alveni al la celita stacidomo. Plie, la Francaj fervojistoj sufiĉe helpemas; ili plej certe helpos vin por en- kaj el- meti la biciklon, des pli ke pli bonas al ili, ke la vagonaro ne malŝparu tro da tempo. Tio utilas kiam la biciklo surhavas plurajn sakojn.

Pli bone esti tro prudenta ol ne sufiĉe. Pro tio ne hezitu ŝlosi vian biciklon per kontraŭŝtelseruro. Bone kontrolu, ke la kontrolisto ŝlosis la internan pordon de la ŝarĝvagono. Vojaĝu sur seĝo aŭ en kupeo kiom eble plej proksima de la ŝarĝvagono por kontroli je ĉiu halto, kio okazas ĉirkaŭ ĝi, ambaŭ ekstere kaj interne. Fine, se vi vojaĝas per nokta trajno kaj eble dormas sur kuŝloko apuda aŭ sidas sur seĝo en alia vagono, ne lasu ion ajn (sakon, boteleton, depreneblan elektran lumĵetilon) sur la biciklo, ĉar en noktaj tranoj (precipe al suda Francio) "deĵoras" profesiaj ŝtelistoj, kiuj posedas ĉiujn taŭgajn ŝlosilojn por malfermi ĉiajn pordojn.
 
Tiajn vagonarojn mi plurfoje uzis sen trafi problemon, krom unu ŝtelo en la sakoj, en plena tago dum la ŝarĝvagona pordo estis ŝlosita. Ankaŭ, kelkfoje malfacilis trovi la kontrolistojn. Eĉ okazis malofte, ke ili ne scias, ke bicikloj estas senpage akceptataj. Tial, mi do ĉiam kunportas hortabelon por, kiam necesas, montri ĝin al ili. Sed plej ofte la afero tute senproblemas.





Jen kelkaj itineroj, kiujn mi ŝtelis de la SNCF-retpaĝaro:



Parizo / Francilio <> Nordo
Itinero Ofteco
Paris – Lille / Calais / Dunkerque Minimume 11 TGV tage ambaŭdirekten
Paris – Arras – Valenciennes / Dunkerque Preskaŭ ĉiuj TGV
Paris – St-Quentin - Maubeuge Ĉiuj trajnoj
Paris – Amiens – Boulogne Ĉiuj trajnoj
 
 


Parizo / Francilio <> Oriento
Itinero Ofteco
Paris - Metz - Luxembourg Ĉiuj trajnoj (TGV kaj Corail)
Paris - Nancy - Strasbourg Ĉiuj trajnoj (TGV, Corail Téoz kaj Corail)
Paris - Reims - Charleville-Mézières Ĉiuj trajnoj
Paris - Troyes – Mulhouse – Bâle (Coire) Ĉiuj trajnoj
Paris – St Dizier Ĉiuj trajnoj
Paris - Nancy – Epinal – Remiremont Ĉiuj trajnoj
 
 


Parizo / Francilio <> Sud-Oriento
Itinero Ofteco
Paris – Genève (Lyria) 4 ĝis 7 TGV tage ambaŭdirekten
Paris – Zurich (Lyria) Ĉiuj TGV
Paris – Lausanne (Lyria) Ĉiuj TGV
Paris – Dijon – Besançon Ĉiuj TGV
Paris - Grenoble Minimume 1 TGV tage
ambaŭdirekten escepte sabate
Paris - Chambéry Minimume 2 TGV tage ambaŭdirekten
Paris -
Bourg-Saint-Maurice - Evian
Somere: Minimume 3 TGV tage
ambaŭdirekten sabate altsezone
Vintre: Minimume 1 TGV tage
ambaŭdirekten vendrede, sabate kaj dimanĉe
Paris - Bourg St-Maurice 1 train de nuit Corail Lunéa nokte ambaŭdirekten
Paris - St-Gervais 1 train de nuit Corail Lunéa nokte ambaŭdirekten
Flughaveno CdG - Massy TGV -
Dijon - Besançon
Minimume 1 TGV 5 tagojn
en semajno ambaŭdirekten
Paris - Briançon 1 nokta trajno Corail Lunéa nokte ambaŭdirekten
Paris - Montpellier - Perpignan Minimume 1 TGV tage ambaŭdirekten
Paris - Nice Minimume 2 TGV tage ambaŭdirekten
krom dimanĉe en la direkto Parizo > Nico
Paris - Avignon Minimume 1 TGV tage ambaŭdirekten
Paris - Avignon - Miramas Minimume 1 TGV tage ambaŭdirekten
(krom vendrede en la direkto
Parizo > Miramas somere altsezone)
Paris - Vintimille 1 nokta trajno Corail Lunéa nokte ambaŭdirekten
Paris - Marseille 1 trajno ĉiutage ambaŭdirekten (somere) Corail
 
 


Parizo / Francilio <> Okcidento
Itinero Ofteco
Paris - Granville Ĉiuj trajnoj krom dimanĉe kaj ferie
Argentan > Parizo n°13272 kaj 16518
(19h20-21h25 kaj 20h10 - 22h42)
Flughaveno CdG - Massy TGV - Nantes Minimume 1 TGV tage ambaŭdirekten
Flughaveno CdG - Massy TGV -
Nantes - Le Croisic
1 TGV 6 tagojn el 7 somere altsezone
(la ceteran jaron, 1 TGV semajne)
Flughaveno CdG - Massy TGV - Rennes Minimume 1 TGV tage ambaŭdirekten
Flughaveno CdG - Massy TGV -
Rennes - Quimper
Ĉiuj TGV
Paris - Orléans - Blois - Tours Ĉiuj trajnoj

  


Parizo / Francilio <> Sud-Okcidento
Itinero Ofteco
Paris - Clermont-Ferrand Ĉiuj trajnoj (Corail Téoz kaj Corail)
Paris - Bourges - Montluçon Ĉiuj trajnoj
Flughaveno CdG - Massy TGV -
Poitiers -Bordeaux - Toulouse
Ĉiuj TGV
Flughaveno CdG - Massy TGV -
Poitiers - Bordeaux - Hendaye
Ĉiuj TGV
Paris - Limoges - Toulouse Ĉiuj trajnoj (Corail Téoz, Corail Lunéa kaj Corail)
Paris - Hendaye - Tarbes 1 nokta trajno Corail Lunéa nokte ambaŭdirekten
Paris - La Tour de Carol 1 nokta trajno Corail Lunéa nokte ambaŭdirekten
Paris - Port-Bou 1 nokta trajno Corail Lunéa nokte ambaŭdirekten
Paris - Béziers 1 trajno ĉiutage ambaŭdirekten (en somero)
 
 


Provinco <> Provinco
Itinero Ofteco
Dijon - Lyon - Marseille Minimume 1 TGV tage ambaŭdirekten
Dijon - Lyon - Montpellier Minimume 1 TGV tage ambaŭdirekten
Strasbourg - Lyon - Marseille 1 TGV tage ambaŭdirekten
Genève - Marseille - Montpellier 1 TGV ambaŭdirekten Minimume 5 tagojn semajne
Genève - Marseille - Nice 1 TGV ambaŭdirekten Minimume 6 tagojn semajne
Metz - Dijon - Nice 1 TGV tage ambaŭdirekten
Strasbourg - Nice 1 nokta trajno Corail Lunéa noke ambaŭdirekten
Bordeaux - Nice 1 nokta trajno Corail Lunéa nokte ambaŭdirekten
Lille - Nice 1 nokta trajno Corail Lunéa nokte ambaŭdirekten
Hendaye - Nico 1 nokta trajno Corail Lunéa nokte ambaŭdirekten
Dijon - Montpellier - Bordeaux 1 TGV tage ambaŭdirekten
Quimper - Nantes - Bordeaux Ĉiuj trajnoj krom n°3888/13898
Bordozo > Roŝelo (18h51-21h07)
kaj n°13899 Roŝelo > Bordozo (06h06 - 08h35)
Quimper - Lyon - Genève 1 nokta trajno Corail Lunéa nokte ambaŭdirekten
Quimper - Lyon - Bourg-St-Maurice 1 nokta trajno Corail Lunéa nokte ambaŭdirekten
Nantes - Bordeaux - Toulouse Bordozo > Rennes nur vendrede kaj dimanĉe
(NE Rennes > Bordozo)
Nantes - Lyon Ĉiuj trajnoj
Strasbourg - Lyon Ĉiuj trajnoj
Metz- Grenoble kaj Lyon 1 ĝis 2 trajnoj tage ambaŭdirekten
Besançon - Dijon - Lille Minimume 1 TGV,
5 tagojn semajne ambaŭdirekten
Nantes - Flughaveno CdG - Lille Minimume 1 TGV tage ambaŭdirekten
Le Croisic - Nantes - Lille Ĉiuj TGV krom dimanĉe
Rennes - Flughaveno CdG - Lille Minimume 1 TGV tage ambaŭdirekten
Quimper - Rennes - Lille Ĉiuj TGV
Toulouse - Bordeaux - Poitiers - Lille Ĉiuj TGV
Hendaye - Bordeaux - Poitiers - Lille Ĉiuj TGV
 
 


Internaciaj linioj
Itinero Ofteco
Paris - Hamburg - Berlin Nokta trajno germana
(pagende ĉe la kontrolisto al Germanio,
ĉe la giĉeto al Francio)
1 trajno nokte ambaŭdirekten
Paris - Frankfürt - Munchen Nokta trajno germana
(pagende ĉe la kontrolisto al Germanio,
ĉe la giĉeto al Francio)
1 trajno nokte ambaŭdirekten
Strasbourg - Stuttgart - Munchen Taga trajno germana
(pagende ĉe la kontrolisto al Germanio,
ĉe la giĉeto al Francio)
1 trajno tage ambaŭdirekten
Bruxelles - Coire Taga trajno Svisa (ne vendita de SNCF)
1 trajno tage ambaŭdirekten
Paris - Wien Nokta trajno franc-aŭstria
1 trajno nokte ambaŭdirekten

 
 
 
 
 Diversaĵoj  ^  Akceptopaĝo  ^