BEMI
Biciklista Esperantista
Movado Internacia
BEMI estas grupo de esperantistoj,
kiuj biciklas iomete pli ofte kaj serioze ol la averaĝa internaciulo.
Laŭstatute ĝi celas diskonigi Esperanton inter biciklantoj kaj
biciklemon inter
la esperantistoj.
Kion
faras BEMI?
-
Ĝi utilas, kiel ligo inter biciklemaj esperantistoj;
-
Ĝi eldonas po du revuojn jare;
-
Ĝi kunigas ties membrojn du fojojn en jaro, okaze de IS (Internacia
Seminario,
jarfine, en Germanio) kaj de IJK (Internacia Junulara Kongreso, somere,
ĉiujare
en alia lando);
-
Ĝi organizas perbiciklajn vojaĝojn turismajn, ĝenerale al
Esperanto-aranĝoj.
Kiel
aliĝi al BEMI?
Membreco
de BEMI estas senpaga, sed la asocio volonte akceptas ian ajn
subvencion.
Por
aliĝi sufiĉas:
-
Aŭ kontakti Ivo-n, BEMI-sekretarion je ivo_m(ĉe)dds.nl;
-
Aŭ partopreni perbiciklan vojaĝon.
Tiu,
kiu partoprenas biciklan karavanon kaj montras volon lerni Esperanton
aŭtomate
fariĝas membro de BEMI. Tamen, post ricevo de aliĝkonfirmilo en
Esperanto, se
la BEMI-ano ne povos aŭ ne volos respondi, li estos malaliĝigita.
Cetere,
por jam membroj kaj iom pli spertaj biciklistoj, BEMI aliĝis al la
Federacio
Belga pri Cikloturismo. Tio ebligas BEMI‑anojn akiri licencon kun
asekuro kaj
tiel partopreni cikloturismajn eventojn sub la koloroj de BEMI. Ĉe tiu okazo, bicikla ĉemizo estis kreita por montri nian klubon.
Ne
hezitu aniĝi al BEMI. Ĝi plej kore akceptos vin.
Por pli da
informoj, vizitu la TTT-ejon de BEMI.