REGULARO
de la BRM
BREVETOJ
de RAJDEKSKURSANTOJ MONDAJ
de
200 km ĝis 1000 km
Artikolo
1:
Nur Audax Club Parisien havas la rajton pri
validigoj tutmonde. Ĉiu breveto realigita ekde 1921 estas
registrita sub validiga numero atribuita laŭ kronologia ricevo.
Artikolo 2:
Tiuj brevetoj estas malfermitaj al ĉiuj
cikloturistoj, anoj aŭ ne de ajna klubo, societo aŭ federacio kaj
protektataj de asekuro. Neplenkreskuloj estas akceptataj kondiĉe de
prezento de gepatra rajtigilo liberiganta la respondecon de Audax
Club Parisien kaj de la organizantaj societoj, same kiel de prezento
de kuraca atesto malnova je malpli ol 6 monatoj.
Eblas
uzi ajnan maŝinon, kondiĉe ke ĝi estas movata nur de la muskola
forto.
Artikolo 3:
Por realigi breveton, ĉiu ekskursanto plenigu
aliĝilon kaj pagu aliĝprezon deciditan de la organizanto.
Artikolo 4:
Ĉiu partoprenanto havu asekuron je civila
respondeco, aŭ pere de sia federacio, aŭ pere de la loka
organizanto, aŭ pere de propra asekuro (atentu, la plejmulto de la
multriskaj asekuroj ne kovras partoprenantojn al organizitaj kaj
pagendaj eventoj). Li kapablu pruvi tion okaze de la brevetaliĝo
pere de membrokarto klare indikanta protekton je civila respondeco aŭ
pere de priasekura atesto aŭtentigante tion. Se la organizanto ne
proponas la akiron de asekuro je civila respondeco ĉe la
brevetstarto, li malkonsentos je la aliĝo de ne asekuriĝintoj.
Artikolo 5:
Ĉiu partoprenanto estas konsiderata kiel en propra
ekskurso, li respektu la pritrafikan regularon kaj ĉiujn
oficialajn signalaĵojn.
Audax
Club Parisien, la organizaj societoj, la ACP-reprezentanto kaj ties
responda asocio neniel estos konsiderataj respondecaj pro eventualaj
akcidentoj dum breveto.
Artikolo 6:
Por noktaj iradoj, la maŝinoj havu antaŭe
kaj malantaŭe lumsistemon firme ligitan kaj je konstanta
funkcikapablo (antaŭvidi viclampojn; estas konsilate havi duoblan
lumsistemon). Estas malpermesate havi malantaŭan prilumaĵon tute
blinkan. La organizantoj malpermesos la starton al ĉiu
partoprenanto, kies lumsistemo ne taŭgus. Ĉiu partoprenanto ŝaltu
sian lumon ĉe noktiĝo, same kiel iam ajn okaze de nesufiĉa
videbleco (pluvo, nebulo,...); eĉ en grupo, ĉiu uzu siajn
lumojn. Nokte, estas konsilate porti helajn vestaĵojn kaj
reflektajn brakbendojn kaj estas devige porti reflektan
ŝultrozonon aŭ survestaĵon.
Ĉiu
malrespekto kontraŭ tiuj reguloj, konstatata okaze de kontrolo, igos
la breveton nevalida.
Artikolo 7:
Ĉiu ekskursanto memzorgu pri ĉio necesa al la
realigo de sia breveto. Neniu servo de biciklanta tiranto, flegisto,
kun sekvanta aŭto, estos permesata sur la itinero, escepte en la
kontrolejoj. La partoprenantoj malrespektante tiun artikolon estos
senapelacie eliminataj.
Ĉe
la starto de breveto, se la organizantoj intence formis grupon, ĉar
la rapideco estas libera, la ekskursantoj plene rajtas ajna-momente
malaniĝi de tiu grupo. Neniu ekskursanto rajtas sin deklari
mastrumanto de grupo. Distingaj signoj (brakbendoj, ĉemizoj, ktp…)
kaj titoloj (ekzemple: vojkapitano) ne estas permesataj. La
grupo ampleksoj konformiĝu al la leĝaro aplikenda al
neorganizitaj ekskursoj.
Ĉiu
partoprenanto havu bonajn vestoaspekton kaj sintenon.
Artikolo 8:
Ĉiu partoprenanto ricevos je la starto vojkarton
kaj itineron, kiuj indikas iun kvanton da
kontrolejoj, kie la partoprenanto devige stampigu tiun
vojkarton. La organizantoj ankaŭ povas antaŭvidi unu aŭ
plurajn sekretajn kontrolojn; pro tio kaj pro asekuraj kialoj, la
partoprenantoj respektu la itineron ricevitan ĉe la starto.
La
organizantoj devige uzu la vojkartojn kreitajn por ili de AUDAX CLUB
PARISIEN aŭ la vojkartojn proponatajn de la ACP reprezentanto
en ilia geografia zono kaj agnoskitajn de AUDAX CLUB PARISIEN.
Artikolo 9:
Okaze de manko de preciza kontrolejo indikita de la
organizantoj, la ekskursanto surmetigu stampon kun la nomo de la
kontrolurbo (komercisto, benzinejo,...). Okaze de neeblo stampigi
(nokta kontrolo), la ekskursanto povos: 1) sendi poŝtkarton al
la evento-respondeculo (indiki la lokon, tagon kaj horon de la paso,
kaj la familian, personan kaj kluban nomojn de la sendanto) kaj
enskribi en la vojkarta kontrolĉelo la mencion "CP" [ndlt:
"Carte Postale" / "Poŝtkarto"], la tagon kaj
horon de la poŝtado; 2) respondi sur la vojkarto al iu demando pri
iu specifa aĵo de la kontrolejo. La opcion laŭvole elektas la
organizanto, kontrolejon post kontrolejo.
En
ĉiu kontrolejo, estu menciataj la horo de la paso, same kiel la tago
por la brevetoj pli longaj ol 24 horoj.
La
manko de unu stampo, la nemencio de la paso horo
aŭ la perdo de la vojkarto (je ajna distanco) igos la
breveton nevalida. Ĉiu partoprenanto memkontroligu sian
vojkarton.
Artikolo
10:
La atribuataj tempolimoj por realigi breveton
dependas de la distancoj: 13h30 (200 km), 20h (300 km), 27h
(400 km), 40h (600 km) kaj 75h (1000 km).
La
trapaso de ĉiu kontrolejo okazu inter "malfermo horo"
kaj "fermo horo" indikataj sur la vojkarto, kalkulitaj
laŭ ekstremaj averaĝaj rapidecoj je 15 kaj 30 km/h por la
kontrolejoj ĝis la 600a km-o, de 13,5 ĝis 30 km/h inter 600 kaj
1000 km.
Se
iu ekskursanto malfrue alvenos en iun kontrolejon, la organizanto
rajtos permesi al li plubicikli se tiu malfruo okazis pro ne
antaŭvidebla evento sendependa de la ekskursanto volo, kiel pro
halto cele helpi okaze de akcidento aŭ pro barita vojo. Iu mekanika
problemo, laciĝo, malbonfarto, malsato, ktp... konsekvence ne estos
konsiderataj, kiel taŭgaj malfrumotivoj.
Krom
en la ĉi antaŭaj kazoj, la ekskursantoj respektu tiujn mezajn
tempampleksojn sub puno de nevalidigo de sia breveto, eĉ kiam ĉi
tiu estus realigita ene de la maksimuma tempolimo.
Artikolo
11:
Ĉia fraŭdo kaŭzos eksigon de la partoprenanto
ĉe ĉiuj eventoj de Audax Club Parisien.
Artikolo
12:
Je la alveno, ĉiu partoprenanto subskribu
sian vojkarton kaj konfidu ĝin al la organizantoj. Ĝi estos
resendata al li post validigo. Okaze de perdo de tiu dokumento,
duoblaĵo ne estos havebla.
Tiuj
brevetoj ne estas konkuroj, ne ekzistas alvenordigoj.
La
partoprenantoj, kies breveto estos validigita, rajtos akiri specifan
medalon. Li devos mendi kaj pagi ĝin je la momento, kiam
li konfidos sian vojkarton ĉe la alveno.
Artikolo 13:
La medaloj signantaj brevetsukceson havas
kolorojn bronzan (200 km), arĝentizitan (300 km),
brilruĝan (400 km), oran (600 km) kaj arĝentan (1000 km).
La modelo kutime ŝanĝiĝas la jaron post PBP [ndlt:
Paris-Brest-Paris, 1230 km, okazas post ĉiu 4a jaro]. La
medalprezon indikas la brevetorganizantoj.
Ekskursisto
("Super-Randonneur"):
Distingo agnoskata al ĉiu ekskursinto, kiu realigis, ene de la sama
jaro, la brevetserion je 200, 300, 400 kaj 600 km. Iu medalo (datita
je la jaro de PBP) mencianta tiun distingon estos liverata al la
ekskursinto, kiu mendos ĝin al sia klubo organizinta la brevetojn,
indikante siajn brevetnumerojn kaj pagante la medalprezon.
Artikolo
14:
La partoprenantoj ne rajtas realigi alian
prikilometran eventon je la tuto aŭ parto de la itinero de Breveto
de Rajdekskursantoj Mondskalaj.
Artikolo
15:
Ĉiuj eventoj kadre de BRM en iu geografia zono,
kiaj ludoj, trofeo listoj, memoraĵoj, defioj, ktp... tiom
por la ekskursantoj individue, kiom por la kluboj, estas je la
ekskluziva kompetenco de la ACP reprezentanto kaj de lia
responda asocio.
Artikolo
16:
La BRM brevetoj de la organizantoj (asocioj
aŭ aliaj) povas aperi nur en la ACP kalendaro de sia origina
geografia zono, kiaj ajn la efektivaj startlokoj kaj la asocioj, kie
iliaj membroj anas. La organizantoj devige uzu la vojkartojn de sia
origina geografia zono.
Iu
organizanto (precipe ĉelandlima klubo) rajtos aperi duan fojon en la
ACP kalendaro kiel "parenca organizanto" en neorigina
geografia zono kun la konsento de la ACP reprezentanto de tiu
alia geografia zono, tamen havante la nepran devon apliki la unuan
alineon de tiu ĉi artikolo.
Artikolo
17:
La partoprenantoj je BRM konsentu je la eldono de
sia identeco kaj de la realigita tempo en la rezultaĵoj eldonotaj de
la organizantoj. Ilia identeco neniukaze estu uzata komercocele nek
tiucele trandonata al krompersono.
Artikolo
18:
Aliĝi kaj starti je breveto implicas de la
interesato senrezervan konsenton pri tiu ĉi regularo. Ĉia plendo aŭ
kontesto, pro ajna motivo, skribe realiĝu ene de 48 horoj post
la breveto kaj estu sendata al la organizintoj, kiuj pristudos ĝin
kaj transdonos ĝin kun sia opinio al la ACP respondeculo (en
Francio) aŭ al la ACP reprezentanto (ekster Francio) por
pristudo antaŭ decido.
Artikolo
19:
Okaze de apelacio fare de prijuĝito, la dosiero
estos sendita al la Estrara Komitato de ACP kun motivklarigaj opinioj
de la organizintoj kaj de la ACP reprezentanto. La Estrara
Komitato de ACP prijuĝos, sen ajna ebla apelacio, la kazojn kaj
kontestaĵojn eventuale ne elvokitajn de tiu regularo.
La
15-an de novembro 2005
[Noto
de la tradukinto: La franclingva versio de tiu ĉi regularo, kiel
origina teksto, estas la sola referenco okaze de kontesto.]