BRM
Brevetoj de Rajdekskursantoj Mondaj
Brevets de Randonneurs Mondiaux
Audax
Club Parisien (ACP) organizas plurajn biciklajn eventojn. El ili, la
Brevetoj de Rajdekskursantoj Mondaj (BRM) ja estas la plej moŝtaj.
Eblas eĉ diri, ke ili prezentas la kluban animon.
"Breveto"
estas specifa vorto por nomi cikloturismajn ekskursojn. La celo estas
longdistance bicikli en maksimuma tempo dependa de la itinera
longeco: 13h30 (200 km), 20h (300 km),
27h (400 km), 40h (600 km), 75h (1000 km). La tempo neniam haltas ĝis
la alveno, eĉ kiam oni haltas por manĝi aŭ dormi. Cetere, la
pritrafikaj reguloj aplikiĝas, ĉar ne temas
pri kurado sed ja pri simplaj ekskursoj. Pluraj kontrolejoj estas
trapensendaj dumvoje kaj, por plene certi, ke la ekskursantoj ne ruze
devojiĝis, sekretaj kontroloj foje povas esti starigitaj.
Ĉiu
ekskursanto rajtas aĉeti medalon, kiam li sukcesis breveton,
sendepende de sia alveno kiel unua aŭ kiel lasta, de sia biciklado
unuopa aŭ en grupo. La ekskursantoj konkuras
nur kontraŭ la tempo, la distanco kaj la vetero, sed ja ne kontraŭ
la kunekskursantoj. La rapideco estas libera kaj grupa kunbiciklado
estas bonvena. La biciklistoj estu trejnitaj
kaj ekipitaj por primoki ajnan veteron, ĉu pluvon, varmecon aŭ
neĝon... tagnokte!
Tiu,
kiu sukcesas la brevetserion de 200 ĝis 600_km en la sezono ne plu
estas konsiderata kiel ekskursanto sed rajtas je la titolo
"ekskursisto". Cetere, estas devige realigi tiun serion por rajti
aliĝi al Parizo - Bresto - Parizo.
Por
pli da informoj pri ACP kaj la BRM-historio, legu la prezenton pri
Audax Club Parisien.